Технология

    Технологиялар ЕАЭО GMP талаптарына сәйкес келеді. Стерильді инъекциялық препараттар өндірісінің үш аппараттық-технологиялық желісі жетекші еуропалық өндірушілердің — Bosch, Optima, GEA, Romaco заманауи жабдықтарымен жарақтандырылған.

    Өндірілетін фармацевтикалық өнімнің сапасы мен қауіпсіздігіне қойылатын жоғары талаптарға байланысты жетекші еуропалық өндірушілердің ең заманауи технологиялық жабдықтары қолданылады
    - «BOSCH» (Германия) – құтылар мен картридждерді асептикалық толтыру желісі, өнімділігі сағатына 7200 құты/картридж.
    -  «OPTIMA» (Германия) – алдын ала толтырылған шприцтерге стерильді құю желісі, өнімділігі сағатына 4000 шприц.
    -  «GEA» (Германия) – лиофилизациялық қондырғылар, жүктеу көлемі 32 000 құты.
    - «ROMACO» (Италия) – дәрілік заттарды қайталама қаптау учаскесі, өнімділігі 120 қаптама.
    Өндірістік қуаттар дайын дәрілік заттар өндіретін үш аппараттық-технологиялық желіден тұрады:
    - құтылардағы стерильді лиофилизацияланған инъекциялық препараттар;
    - картридждер мен құтылардағы стерильді сұйық инъекциялық препараттар;
    - алдын ала толтырылған шприцтердегі стерильді сұйық инъекциялық препараттар.
    Бүкіл өндірістік процесс автоматтандырылған және бірыңғай SCADA бағдарламасымен басқарылады, өндірістік процестің барлық параметрлері тіркеліп, мұрағатталады, бұл «адами факторды» барынша азайтуға мүмкіндік береді.
    Басым бағыттардың бірі — инновациялық өнім өндіруге арналған жоғары технологиялық процестерді үнемі дамыту, жетілдіру және енгізу.
    Шығарылуы жоспарланған дәрілік заттардың сапасы Қазақстан Республикасының аумағында қолданылатын қағидалар мен нормалардың талаптарына сәйкес келеді, өнімнің бәсекеге қабілеттілігін және экологиялық параметрлерге сәйкестігін қамтамасыз етеді.
    Технологиялық платформалар бойынша серіктестер